Daniel Waage har ikkje heilt uventa bestemt seg for å forlate Austrheim/Lindås-laget. Meir overraskande var beskjeden om at det truleg er vår naborival Radøy/Manger som får nytte av Waage sine kvalitetar framover. Under takkar trenar Tor Eivind Karlsen Waage av etter drygt 2 sesongar i den lyseblå trøya.

Daniel Andersen Waage har bestemt seg for å melda overgang til Radøy/Manger. Han har vore med frå oppstarten av samarbeidslaget. Etter å vore kaptein fyrste sesongen var han i fjoråret ute store delar grunna skade. I år har han spela samtlege seriekampar utan at han har heilt fått det til å stemma slik han kan på sitt beste. Daniel gjer uttrykk for at han har tenkt gjennom situasjonen grundig og at han treng eit miljøskifte for å finna tilbake lysten på fotballspeling.

Eg tykkjer det er eit særs uheldig tidspunkt å forlata ein klubb på midt i vårsesongen. I tillegg har Daniel synt lite vilje til dialog før ein bestemmelse vart teken. Når det er sagt er det ein hobby me bedriver i fjerde divisjon og så for tida visa om graset er grønare på den grøne øya. Eg vil med dette få takka Daniel for samarbeidet, han har til tider vore ein bidragsytar på bana for oss. Han er velkommen tilbake ein annan gong og eg ynskjer han lukke til i Radøy/Manger.

Tor-Eivind Karlsen, trenar A/L.